മരങ്ങളോട് ഇഷ്ടമില്ലെന്ന് പറഞ്ഞപ്പോള്
അവന് ചോദിച്ചു;
തെങ്ങിനോട്?
ഇല്ല
എന്തു കൊണ്ട്?
ഉണക്കോല വീണാണ്
എണ്റ്റെ മുയല് ചത്തത്
ആത്തിയോട്?
ഇല്ല
എന്തുകൊണ്ട്?
ആത്തിയ്ക്ക കാണിച്ച് കൊതിപ്പിച്ച്,
കാക്കയ്ക്ക് കാണിയ്ക്ക കൊടുത്തതു കൊണ്ട്
പറങ്ങാവിനോട്?*
ഇല്ല
എന്തു കൊണ്ട്?
അതിണ്റ്റെ മൂട്ടില്
കളിച്ചു കളഞ്ഞതെണ്റ്റെ
പള്ളിക്കൂട ദിവസങ്ങളായിരുന്നു
പേരയോട്?
ഇല്ല
എന്തുകൊണ്ട്?
ഐസ്സു മേടിക്കാന് പൈസ കട്ടതിന്
അമ്മയ്ക്കു തല്ലാന് വടി കൊടുത്തതു കൊണ്ട്
മാവിനോട്?
എന്താ..... ?
മാവിനോട്... ?
അതിഷ്ടമാണ്...
എന്തുകൊണ്ട്?
അച്ഛനെ ഇഷ്ടമായതു കൊണ്ട്
അച്ഛനും, മാവും തമ്മിലെന്ത്?
അതിണ്റ്റെ എത്താക്കൊമ്പിലെ പൂ
പറിയ്ക്കാന് കഴിഞ്ഞത്
അച്ഛനുള്ളതു കൊണ്ടല്ലേ.. ??
എന്നിട്ടാ മാവെവിടെ?
അച്ഛണ്റ്റെ കൂടെ അതും കത്തിപ്പോയില്ലേ?
എന്നിട്ടാ മാവെവിടെ?
ReplyDeleteഅച്ഛണ്റ്റെ കൂടെ അതും കത്തിപ്പോയില്ലേ?
ഗംഭീരം അതി ഗംഭീരം...അവസാന വരികള് കണ്ണ് നനയിപ്പിച്ചു...
എഴുതുക ഇനിയും..അതിനുള്ള കഴിവ് പടച്ച തമ്പുരാന് തന്നിരിക്കുന്നു.....
Kupleri sajay
നന്ദി, പ്രിയപ്പെട്ട സുഹൃത്തേ.....!!!
ReplyDelete