തിരിഞ്ഞു നോക്കാതെ,
പാസ്പോര്ട്ടില് വെറുതേ നോക്കി
ഞാന് നടന്നകന്നത്
നിണ്റ്റെ കണ്ണീര് കാണാന് വയ്യാഞ്ഞിട്ടല്ല;
എണ്റ്റെ ചിരിയും കളിയും
നിണ്റ്റെ ഓര്മയില് വിരിയട്ടെ
എന്നു കരുതിയിട്ടുമല്ല
അച്ഛന് കരയുന്നതെന്തെന്ന്
മനസ്സിലാക്കാനുള്ള പ്രായം
നമ്മുടെ കുഞ്ഞിനില്ലല്ലോ..
ഒരു ദിവസത്തേക്കെങ്കിലും
ഐസ്ക്രീം വാങ്ങി തിരിച്ച് വരുമെ-
ന്നവന് കരുതട്ടെ
വണ്ടിയിലിരുന്ന് കരഞ്ഞ്
നീയവണ്റ്റെ മുമ്പില് ചെറുതാകരുത്
നീയറിയില്ലെങ്കില്,
ഞാനൊരു കാര്യം പറയാം
"നീയവണ്റ്റെ മുമ്പില് ചെറുതാകാതിരിക്കാന്,
ഈ ആകാശ വിതാനത്തില്
ഫ്ളൈറ്റിണ്റ്റെ ഏേ സി ചൂടില്
ഞാന് തകരുന്നുണ്ട് ..
ചങ്ക് വല്ലാതെ പൊടിയുന്നുണ്ട്...
വില നഷ്ടമായ ഈ കണ്ണീരും...
ഇതൊരനിവാര്യതയാണ്
പ്രവാസത്തിണ്റ്റെ അതോ,
ജീവിതത്തിണ്റ്റെയോ... ?"
നീയറിയില്ലെന്നുറപ്പിലാണ്
ഞാനിത് പറഞ്ഞത്...
നീയറിയില്ലല്ലോ... ??
No comments:
Post a Comment