ഇല മരത്തോട് പറഞ്ഞത്

അടര്‍ന്നു വീണപ്പോഴേ
കണ്ണടച്ചതാണ്‌

നിന്റെ വീഴ്ചയും
എന്നരികിലെന്നു കരുതി
ഒരുപാട് കാത്തിട്ടും
കാണാതെ വന്നപ്പോഴാണ്‌
കണ്ണൊന്നു തുറന്നു നോക്കിയത്

എണ്ണിയതിലേറെ
എന്നെപ്പോലെ ചുറ്റും
കൊഴിഞ്ഞു കിടക്കുന്നു..!!

നിന്നില്‍ നിന്നും അടര്‍ത്തിക്കളഞ്ഞതില്‍
ആദ്യത്തേത് മാത്രമായിരുന്നു ഞാനെന്ന്‌
ആരും പറഞ്ഞു തന്നതല്ല;
നീ വീണ്ടും തളിര്‍ക്കുന്നതു കണ്ട്
ഞാനറിഞ്ഞതാണ്‌...