സുവോളജി ലാബിലെ
കെഡാവറായിരുന്നു** ഞാന്‍
ഉള്ളു കീറി,
പഠിച്ചു മിടുക്കിയായി നീ വലിച്ചെറിഞ്ഞു കളഞ്ഞ
ഒരു വെറും ശവം
അതുകൊണ്ടാകും ,
നീ ബാക്കി വച്ചു പോയ വാക്കുകള്‍ക്ക്
ഒരു പഴകിയ ഫോര്‍മാലിന്‍**** ** മണം ...
ഉണങ്ങിയ ശവത്തെയാണത്
ഓര്‍മ്മിപ്പിക്കുന്നതെന്ന്‌
നിനക്കു ഞാന്‍ പറഞ്ഞു തരണമെങ്കില്‍
എന്നെക്കീറി മുറിച്ച്,
എന്തായിരുന്നു നീ പഠിച്ചതെന്ന്‌
എനിക്കു നീയുമൊന്നു പറഞ്ഞു തന്നേക്കുക...
--------------------------------------------------------------------------
**കെഡാവര്‍ - മെഡിക്കല്‍ വിദ്യാര്‍ഥികള്‍ പഠിക്കാനുപയോഗിക്കുന്ന ശവം
**ഫോര്‍മാലിന്‍ - വൈദ്യ പഠനത്തിനു വേണ്ടി ശരീര ഭാഗങ്ങള്‍ കേടാകാതെ ഇട്ടു വയ്ക്കുന്ന ലായനി
No comments:
Post a Comment